תנ"ך על הפרק
ישעיה לה
יְשֻׂשׂ֥וּם מִדְבָּ֖ר וְצִיָּ֑ה וְתָגֵ֧ל עֲרָבָ֛ה וְתִפְרַ֖ח כַּחֲבַצָּֽלֶת׃פָּרֹ֨חַ תִּפְרַ֜ח וְתָגֵ֗ל אַ֚ף גִּילַ֣ת וְרַנֵּ֔ן כְּב֤וֹד הַלְּבָנוֹן֙ נִתַּן־לָ֔הּ הֲדַ֥ר הַכַּרְמֶ֖ל וְהַשָּׁר֑וֹן הֵ֛מָּה יִרְא֥וּ כְבוֹד־יְהוָ֖ה הֲדַ֥ר אֱלֹהֵֽינוּ׃חַזְּק֖וּ יָדַ֣יִם רָפ֑וֹת וּבִרְכַּ֥יִם כֹּשְׁל֖וֹת אַמֵּֽצוּ׃אִמְרוּ֙ לְנִמְהֲרֵי־לֵ֔ב חִזְק֖וּ אַל־תִּירָ֑אוּ הִנֵּ֤ה אֱלֹֽהֵיכֶם֙ נָקָ֣ם יָב֔וֹא גְּמ֣וּל אֱלֹהִ֔ים ה֥וּא יָב֖וֹא וְיֹשַׁעֲכֶֽם׃אָ֥ז תִּפָּקַ֖חְנָה עֵינֵ֣י עִוְרִ֑ים וְאָזְנֵ֥י חֵרְשִׁ֖ים תִּפָּתַֽחְנָה׃אָ֣ז יְדַלֵּ֤ג כָּֽאַיָּל֙ פִּסֵּ֔חַ וְתָרֹ֖ן לְשׁ֣וֹן אִלֵּ֑ם כִּֽי־נִבְקְע֤וּ בַמִּדְבָּר֙ מַ֔יִם וּנְחָלִ֖ים בָּעֲרָבָֽה׃וְהָיָ֤ה הַשָּׁרָב֙ לַאֲגַ֔ם וְצִמָּא֖וֹן לְמַבּ֣וּעֵי מָ֑יִם בִּנְוֵ֤ה תַנִּים֙ רִבְצָ֔הּ חָצִ֖יר לְקָנֶ֥ה וָגֹֽמֶא׃וְהָיָה־שָׁ֞ם מַסְל֣וּל וָדֶ֗רֶךְ וְדֶ֤רֶךְ הַקֹּ֙דֶשׁ֙ יִקָּ֣רֵא לָ֔הּ לֹֽא־יַעַבְרֶ֥נּוּ טָמֵ֖א וְהוּא־לָ֑מוֹ הֹלֵ֥ךְ דֶּ֛רֶךְ וֶאֱוִילִ֖ים לֹ֥א יִתְעֽוּ׃לֹא־יִהְיֶ֨ה שָׁ֜ם אַרְיֵ֗ה וּפְרִ֤יץ חַיּוֹת֙ בַּֽל־יַעֲלֶ֔נָּה לֹ֥א תִמָּצֵ֖א שָׁ֑ם וְהָלְכ֖וּ גְּאוּלִֽים׃וּפְדוּיֵ֨י יְהוָ֜ה יְשֻׁב֗וּן וּבָ֤אוּ צִיּוֹן֙ בְּרִנָּ֔ה וְשִׂמְחַ֥ת עוֹלָ֖ם עַל־רֹאשָׁ֑ם שָׂשׂ֤וֹן וְשִׂמְחָה֙ יַשִּׂ֔יגוּ וְנָ֖סוּ יָג֥וֹן וַאֲנָחָֽה׃
פירוש על הפרק
יֶחְדוּן דְיַתְבִין בְּמַדְבְּרָא בְּאַרְעָא צִיחַיָא וְיִבְעוּן דְשָׁרָן בְּמֵישְׁרָא וְיִזְהֲרוּן כְּשׁוֹשַׁנְיָא:מֵידָץ יְדוּצוּן וְיֶחְדוּן אַף בִּיעַ וְחֶדְוָא יְקַר לִבְנָן יִתְיְהֵיב לְהוֹן זִיו כַּרְמְלָא וְשָׁרוֹנָא בֵּית יִשְׂרָאֵל דִלְהוֹן אָמְרִין אִלֵין אִינוּן יֶחֱזוּן יְקָרָא דַייָ זִיו תּוּשְׁבַּחְתָּא דֶאֱלָהָנָא:אֲמַר נְבִיָא תַּקִיפוּ יָדִין דִמְרַשְׁלָן וּרְכוּבִין דִרָעֲלָן חֲסִינוּ:אֲמַרוּ לְדָמוֹחָן בְּלִבְּהוֹן לְמֶעְבַּד אוֹרַיְתָא תְּקָפוּ וְלָא תִדַחֲלוּן הָא אֶלָהָכוֹן לְמֶעְבַּד פּוּרְעֲנוּת דִין אִתְגְלֵי מָרֵי גְמַלְיָא יְיָ הִיא יִתְגְלֵי וְיִפְרְקִינְכוֹן:בְּכֵן יִתְפַּתְּחָן עֵינֵי בֵּית יִשְׂרָאֵל דְאִינוּן כְּסָמָן מִן אוֹרַיְתָא וְאוּדְנֵיהוֹן דִכְּחַרְשִׁין לְקַבָּלָא לְמִלֵי נְבִיָא יְצִיתָן:בְּכֵן בְּמֶחְזְהוֹן גַלְוָתָא דְיִשְׂרָאֵל דְמִתְכַּנְשִׁין וְסַלְקָן לְאַרְעֲהוֹן הָא כְּאַיָלִין קַלִילִין וְלָא לְאִתְעַכָּבָא וִישַׁבַּח לִישָׁנְהוֹן דַהֲוָה בְּלִים אֲרֵי בְּכֵן אִתְבְּזָעוּ בְמַדְבְּרָא מַיָא וְנַחֲלַיָא בְּמֵישְׁרָא:וִיהֵי שְׁרוֹבָא לַאֲגַמִין דְמַיָן וּבֵית צָחְוָנָא לְמַבּוּעֵי מַיָא אֲתַר דַהֲוָה יְרוֹדִין שָׁרְיָן תַּמָן יִסְקוּן קָנֶה וְגוֹמָא:וִיהֵי תַמָן כֵּבַשׁ אוֹרַח וְתִקוּן אוֹרְחָא דְקוּדְשָׁא יִתְקְרֵי לָהּ לָא יֶעְדוּן בֵּיהּ מְסָאֲבִין וְלָא יִפְסְקוּן עָדֵי אוֹרְחָא וּדְלָא אֲלִיפוּ לָא יִטְעוּן:לָא יְהֵי תַמָן מֶלֶךְ מַבְאֵישׁ וְשִׁלְטוֹן מְעִיק לָא יְגוֹזִינֵהּ וְלָא יִשְׁתַּכְּחוּן תַּמָן וִיהָכוּן פְרִיקִין:וּפְרִיקַיָא דַייָ יְתוּבוּן וְיַתְכַּנְשׁוּן מִבֵּינֵי גַלְוַתְהוֹן וְיָעַלוּן לְצִיוֹן בְּתוּשְׁבַּחְתָּא וְחֶדְוַת עֲלַם תְּהֵי לְהוֹן דִי לָא פַסְקָא וַעֲנַן יְקָר תְּהֵי מַטַל עַל רֵישֵׁיהוֹן בִּיעַ וְחֶדְוָא יִשְׁכְּחוּן וִיסוּף מִנְהוֹן מִבֵּית יִשְׂרָאֵל דְוָנָא וְתֵינָחָתָא:
תוכן עניינים
ניווט בפרקי התנ"ך
