תנ"ך על הפרק - דברי הימים ב ל - תרגום ירושלמי

תנ"ך על הפרק

דברי הימים ב ל

923 / 929
היום

הפרק

וַיִּשְׁלַ֨ח יְחִזְקִיָּ֜הוּ עַל־כָּל־יִשְׂרָאֵ֣ל וִֽיהוּדָ֗ה וְגַֽם־אִגְּרוֹת֙ כָּתַב֙ עַל־אֶפְרַ֣יִם וּמְנַשֶּׁ֔ה לָב֥וֹא לְבֵית־יְהוָ֖ה בִּֽירוּשָׁלִָ֑ם לַעֲשׂ֣וֹת פֶּ֔סַח לַיהוָ֖ה אֱלֹהֵ֥י יִשְׂרָאֵֽל׃וַיִּוָּעַ֨ץ הַמֶּ֧לֶךְ וְשָׂרָ֛יו וְכָל־הַקָּהָ֖ל בִּירוּשָׁלִָ֑ם לַעֲשׂ֥וֹת הַפֶּ֖סַח בַּחֹ֥דֶשׁ הַשֵּׁנִֽי׃כִּ֣י לֹ֧א יָכְל֛וּ לַעֲשֹׂת֖וֹ בָּעֵ֣ת הַהִ֑יא כִּ֤י הַכֹּהֲנִים֙ לֹֽא־הִתְקַדְּשׁ֣וּ לְמַדַּ֔י וְהָעָ֖ם לֹא־נֶאֶסְפ֥וּ לִֽירוּשָׁלִָֽם׃וַיִּישַׁ֥ר הַדָּבָ֖ר בְּעֵינֵ֣י הַמֶּ֑לֶךְ וּבְעֵינֵ֖י כָּל־הַקָּהָֽל׃וַיַּֽעֲמִ֣ידוּ דָבָ֗ר לְהַעֲבִ֨יר ק֤וֹל בְּכָל־יִשְׂרָאֵל֙ מִבְּאֵֽר־שֶׁ֣בַע וְעַד־דָּ֔ן לָב֞וֹא לַעֲשׂ֥וֹת פֶּ֛סַח לַיהוָ֥ה אֱלֹהֵֽי־יִשְׂרָאֵ֖ל בִּירוּשָׁלִָ֑ם כִּ֣י לֹ֥א לָרֹ֛ב עָשׂ֖וּ כַּכָּתֽוּב׃וַיֵּלְכוּ֩ הָרָצִ֨ים בָּֽאִגְּר֜וֹת מִיַּ֧ד הַמֶּ֣לֶךְ וְשָׂרָ֗יו בְּכָל־יִשְׂרָאֵל֙ וִֽיהוּדָ֔ה וּכְמִצְוַ֥ת הַמֶּ֖לֶךְ לֵאמֹ֑ר בְּנֵ֣י יִשְׂרָאֵ֗ל שׁ֚וּבוּ אֶל־יְהוָ֗ה אֱלֹהֵי֙ אַבְרָהָם֙ יִצְחָ֣ק וְיִשְׂרָאֵ֔ל וְיָשֹׁב֙ אֶל־הַפְּלֵיטָ֔ה הַנִּשְׁאֶ֣רֶת לָכֶ֔ם מִכַּ֖ף מַלְכֵ֥י אַשּֽׁוּר׃וְאַל־תִּֽהְי֗וּ כַּאֲבֽוֹתֵיכֶם֙ וְכַ֣אֲחֵיכֶ֔ם אֲשֶׁ֣ר מָעֲל֔וּ בַּיהוָ֖ה אֱלֹהֵ֣י אֲבוֹתֵיהֶ֑ם וַיִּתְּנֵ֣ם לְשַׁמָּ֔ה כַּאֲשֶׁ֖ר אַתֶּ֥ם רֹאִֽים׃עַתָּ֕ה אַל־תַּקְשׁ֥וּ עָרְפְּכֶ֖ם כַּאֲבוֹתֵיכֶ֑ם תְּנוּ־יָ֣ד לַיהוָ֗ה וּבֹ֤אוּ לְמִקְדָּשׁוֹ֙ אֲשֶׁ֣ר הִקְדִּ֣ישׁ לְעוֹלָ֔ם וְעִבְדוּ֙ אֶת־יְהוָ֣ה אֱלֹהֵיכֶ֔ם וְיָשֹׁ֥ב מִכֶּ֖ם חֲר֥וֹן אַפּֽוֹ׃כִּ֣י בְשׁוּבְכֶ֞ם עַל־יְהוָ֗ה אֲחֵיכֶ֨ם וּבְנֵיכֶ֤ם לְרַחֲמִים֙ לִפְנֵ֣י שֽׁוֹבֵיהֶ֔ם וְלָשׁ֖וּב לָאָ֣רֶץ הַזֹּ֑את כִּֽי־חַנּ֤וּן וְרַחוּם֙ יְהוָ֣ה אֱלֹהֵיכֶ֔ם וְלֹא־יָסִ֤יר פָּנִים֙ מִכֶּ֔ם אִם־תָּשׁ֖וּבוּ אֵלָֽיו׃וַיִּֽהְי֨וּ הָרָצִ֜ים עֹבְרִ֨ים מֵעִ֧יר ׀ לָעִ֛יר בְּאֶֽרֶץ־אֶפְרַ֥יִם וּמְנַשֶּׁ֖ה וְעַד־זְבֻל֑וּן וַיִּֽהְיוּ֙ מַשְׂחִיקִ֣ים עֲלֵיהֶ֔ם וּמַלְעִגִ֖ים בָּֽם׃אַךְ־אֲנָשִׁ֛ים מֵאָשֵׁ֥ר וּמְנַשֶּׁ֖ה וּמִזְּבֻל֑וּן נִֽכְנְע֔וּ וַיָּבֹ֖אוּ לִירוּשָׁלִָֽם׃גַּ֣ם בִּיהוּדָ֗ה הָֽיְתָה֙ יַ֣ד הָאֱלֹהִ֔ים לָתֵ֥ת לָהֶ֖ם לֵ֣ב אֶחָ֑ד לַעֲשׂ֞וֹת מִצְוַ֥ת הַמֶּ֛לֶךְ וְהַשָּׂרִ֖ים בִּדְבַ֥ר יְהוָֽה׃וַיֵּֽאָסְפ֤וּ יְרוּשָׁלִַ֙ם֙ עַם־רָ֔ב לַעֲשׂ֛וֹת אֶת־חַ֥ג הַמַּצּ֖וֹת בַּחֹ֣דֶשׁ הַשֵּׁנִ֑י קָהָ֖ל לָרֹ֥ב מְאֹֽד׃וַיָּקֻ֕מוּ וַיָּסִ֙ירוּ֙ אֶת־הַֽמִּזְבְּח֔וֹת אֲשֶׁ֖ר בִּירוּשָׁלִָ֑ם וְאֵ֤ת כָּל־הַֽמְקַטְּרוֹת֙ הֵסִ֔ירוּ וַיַּשְׁלִ֖יכוּ לְנַ֥חַל קִדְרֽוֹן׃וַיִּשְׁחֲט֣וּ הַפֶּ֔סַח בְּאַרְבָּעָ֥ה עָשָׂ֖ר לַחֹ֣דֶשׁ הַשֵּׁנִ֑י וְהַכֹּהֲנִ֨ים וְהַלְוִיִּ֤ם נִכְלְמוּ֙ וַיִּֽתְקַדְּשׁ֔וּ וַיָּבִ֥יאוּ עֹל֖וֹת בֵּ֥ית יְהוָֽה׃וַיַּֽעַמְד֤וּ עַל־עָמְדָם֙ כְּמִשְׁפָּטָ֔ם כְּתוֹרַ֖ת מֹשֶׁ֣ה אִישׁ־הָאֱלֹהִ֑ים הַכֹּֽהֲנִים֙ זֹרְקִ֣ים אֶת־הַדָּ֔ם מִיַּ֖ד הַלְוִיִּֽם׃כִּי־רַבַּ֥ת בַּקָּהָ֖ל אֲשֶׁ֣ר לֹא־הִתְקַדָּ֑שׁוּ וְהַלְוִיִּ֞ם עַל־שְׁחִיטַ֣ת הַפְּסָחִ֗ים לְכֹל֙ לֹ֣א טָה֔וֹר לְהַקְדִּ֖ישׁ לַיהוָֽה׃כִּ֣י מַרְבִּ֣ית הָעָ֡ם רַ֠בַּת מֵֽאֶפְרַ֨יִם וּמְנַשֶּׁ֜ה יִשָּׂשכָ֤ר וּזְבֻלוּן֙ לֹ֣א הִטֶּהָ֔רוּ כִּֽי־אָכְל֥וּ אֶת־הַפֶּ֖סַח בְּלֹ֣א כַכָּת֑וּב כִּי֩ הִתְפַּלֵּ֨ל יְחִזְקִיָּ֤הוּ עֲלֵיהֶם֙ לֵאמֹ֔ר יְהוָ֥ה הַטּ֖וֹב יְכַפֵּ֥ר בְּעַֽד׃כָּל־לְבָב֣וֹ הֵכִ֔ין לִדְר֛וֹשׁ הָאֱלֹהִ֥ים ׀ יְהוָ֖ה אֱלֹהֵ֣י אֲבוֹתָ֑יו וְלֹ֖א כְּטָהֳרַ֥ת הַקֹּֽדֶשׁ׃וַיִּשְׁמַ֤ע יְהוָה֙ אֶל־יְחִזְקִיָּ֔הוּ וַיִּרְפָּ֖א אֶת־הָעָֽם׃וַיַּעֲשׂ֣וּ בְנֵֽי־יִ֠שְׂרָאֵל הַנִּמְצְאִ֨ים בִּירוּשָׁלִַ֜ם אֶת־חַ֧ג הַמַּצּ֛וֹת שִׁבְעַ֥ת יָמִ֖ים בְּשִׂמְחָ֣ה גְדוֹלָ֑ה וּֽמְהַלְלִ֣ים לַ֠יהוָה י֣וֹם ׀ בְּי֞וֹם הַלְוִיִּ֧ם וְהַכֹּהֲנִ֛ים בִּכְלֵי־עֹ֖ז לַיהוָֽה׃וַיְדַבֵּ֣ר יְחִזְקִיָּ֗הוּ עַל־לֵב֙ כָּל־הַלְוִיִּ֔ם הַמַּשְׂכִּילִ֥ים שֵֽׂכֶל־ט֖וֹב לַיהוָ֑ה וַיֹּאכְל֤וּ אֶת־הַמּוֹעֵד֙ שִׁבְעַ֣ת הַיָּמִ֔ים מְזַבְּחִים֙ זִבְחֵ֣י שְׁלָמִ֔ים וּמִ֨תְוַדִּ֔ים לַיהוָ֖ה אֱלֹהֵ֥י אֲבוֹתֵיהֶֽם׃וַיִּוָּֽעֲצוּ֙ כָּל־הַקָּהָ֔ל לַעֲשׂ֕וֹת שִׁבְעַ֥ת יָמִ֖ים אֲחֵרִ֑ים וַיַּֽעֲשׂ֥וּ שִׁבְעַת־יָמִ֖ים שִׂמְחָֽה׃כִּ֣י חִזְקִיָּ֣הוּ מֶֽלֶךְ־יְ֠הוּדָה הֵרִ֨ים לַקָּהָ֜ל אֶ֣לֶף פָּרִים֮ וְשִׁבְעַ֣ת אֲלָפִ֣ים צֹאן֒ וְהַשָּׂרִ֞ים הֵרִ֤ימוּ לַקָּהָל֙ פָּרִ֣ים אֶ֔לֶף וְצֹ֖אן עֲשֶׂ֣רֶת אֲלָפִ֑ים וַיִּֽתְקַדְּשׁ֥וּ כֹהֲנִ֖ים לָרֹֽב׃וַֽיִּשְׂמְח֣וּ ׀ כָּל־קְהַ֣ל יְהוּדָ֗ה וְהַכֹּהֲנִים֙ וְהַלְוִיִּ֔ם וְכָל־הַקָּהָ֖ל הַבָּאִ֣ים מִיִּשְׂרָאֵ֑ל וְהַגֵּרִ֗ים הַבָּאִים֙ מֵאֶ֣רֶץ יִשְׂרָאֵ֔ל וְהַיּוֹשְׁבִ֖ים בִּיהוּדָֽה׃וַתְּהִ֥י שִׂמְחָֽה־גְדוֹלָ֖ה בִּֽירוּשָׁלִָ֑ם כִּ֠י מִימֵ֞י שְׁלֹמֹ֤ה בֶן־דָּוִיד֙ מֶ֣לֶךְ יִשְׂרָאֵ֔ל לֹ֥א כָזֹ֖את בִּירוּשָׁלִָֽם׃וַיָּקֻ֜מוּ הַכֹּהֲנִ֤ים הַלְוִיִּם֙ וַיְבָרֲכ֣וּ אֶת־הָעָ֔ם וַיִּשָּׁמַ֖ע בְּקוֹלָ֑ם וַתָּב֧וֹא תְפִלָּתָ֛ם לִמְע֥וֹן קָדְשׁ֖וֹ לַשָּׁמָֽיִם׃

מאמרים על הפרק


מאמר על הפרק

מאת:

פירושים על הפרק


פירוש על הפרק

וּשְׁדַר יְחִזְקִיָהוּ עַל כָּל יִשְרָאֵל וִיהוּדָה וְאוֹף פִּטְקִין כְּתַב עַל דְבֵית אֶפְרַיִם וּמְנַשֶׁה לְמֵיתֵי לְבֵית מַקְדְשָׁא דַייָ בִּירוּשְׁלֵם לְמֶעְבַּד פִּסְחָא קֳדָם יְיָ אֱלָהָא דְיִשְרָאֵל: וְאִתְמְלִיךְ מַלְכָּא וְרַבְרְבָנוֹי וְכֻלְהוֹן יִשְרָאֵל וְכָל קְהָלָא בִּירוּשְׁלֵם לְעֵבְרַיָא (ס"א לְעַבָּרָא) יַרְחָא דְנִיסָן וּלְמֶעְבַּד פִּסְחָא בְּיַרְחָא דְאִיָר הוּא יַרְחָא תִּנְיָנָא: אֲרוּם לָא יָכִילוּ לְמֶעְבַּד פִּסְחָא בְּנִיסָן מְטוּל דְכַהֲנַיָא לָא אִתְקַדְשׁוּ לְאַדְכָּאָה כְּמִסַת עֲבִידַת קוּרְבָּנַיָא וְעַמָא לָא סְפִיקוּ לְאִתְכַּנְשָׁא לִירוּשְׁלֵם: וּכְשַׁר פִּתְגָמָא קֳדָם מַלְכָּא קֳדָם כָּל קְהָלָא: וְקַיְמוּ פִּתְגָמָא לְאַעְבָּרָא כְרוֹזָא בְּכָל יִשְרָאֵל מִדָן (ס"א מִבְּאֵרָא דְשֶׁבַע וְעַד פַּמִיאַס) וְעַד בְּאֵרָא דְשֶׁבַע וְעַד פַּמִיאַס לְמֵיתֵי לְמֶעְבַּד פִּסְחָא קֳדָם יְיָ אֱלָהָא דְיִשְרָאֵל בִּירוּשְׁלֵם מְטוּל דְלָא סְגִיאוּת קְהָלָא עֲבָדוּ פִּסְחָא בְּנִיסָן בְּזִמְנֵיהּ הֵיכְמָה דִכְתִיב: וַאֲזָלוּ רִיהֲטוֹנַיָא בְפִטְקַיָא מִן יְדָא דְמַלְכָּא וְרַבְרְבָנוֹי בְּכָל בֵּית יִשְרָאֵל וִיהוּדָה וּבְתַפְקֵדְתָּא (ס"א וּכְתַפְקֵדְתָּא) דְמַלְכָּא לְמֵימַר בְּנֵי יִשְרָאֵל תּוּבוּ לְדַחַלְתָּא דַייָ אֱלָהָא דְאַבְרָהָם יִצְחָק וְיִשְרָאֵל וִיתּוּבִית (ס"א וִיתוּב לְוַת מְשֵׁזֵבְתָּא) לְשֵׁזְבָתָא דְאִשְׁתַּיְרַת לְכוֹן מִן יְדֵיהוֹן דְמַלְכַּיָא דְאַתּוּר: וְלָא תְהוֹן הֵי כַּאֲבָהַתְכוֹן וְהֵי כַּאֲחוּכוֹן דִי שְׁקָרוּ בְּמֵימְרָא דַייָ אֱלָהָא דַאֲבָהַתְהוֹן וּמְסַר (ס"א וּמְסָרִנוּן) יַתְהוֹן לְשַנְאֵיהוֹן וִיהָבִנוּן לִצְדוֹ הֵיכְמָה דִי אַתּוּן חָמְאִין (ס"א חָמָן): כַּדוּן לָא תַקְשׁוּן קְדַלְכוֹן כַּאֲבָהָתְכוֹן אוֹשִׁיטוּ יְדָא וְתוּבוּ לְדַחַלְתָּא דַייָ וֶאֱתוּ לְבֵית מַקְדְשֵׁיהּ דְאַקְדִישׁ לְעָלָם וּפַלְחוּ קֳדָם יְיָ וְיִתּוּב מִנְכוֹן תְּקוֹף רוּגְזֵיהּ: אֲרוּם כַּד תְּתוּבוּן לִדְחַלְתָּא דַייָ אֲחֵיכוֹן וּבְנֵיכוֹן יְהַב לְרַחֲמִין קֳדָם דִי שְׁבוֹ יַתְהוֹן וְיָתֵיב בְּמֵימְרֵיהּ לַאֲתָבוּתְהוֹן לְאַרְעָא הָדָא אֲרוּם חַנָנָא וְרַחֲמָנָא יְיָ אֱלָהָכוֹן לָא יְסַלֵק שְׁכִנְתֵּיהּ מִבֵּינֵיכוֹן אִין תְּתוּבוּן עַד דְחַלְתֵּיהּ: וַהֲווֹ רִיהֲטוֹנַיָא עָבְרִין מִן קְרִי לִקְרִי בְּאַרְעָא דְבֵית אֶפְרַיִם וּדְבֵית מְנַשֶׁה וְעַד זְבוּלֻן וַהֲווֹ מְגַחֲכִין עֲלֵיהוֹן וּמִתְעַלְבִין (ס"א וּמִתְלַעְבִין) בְּהוֹן: לְחוֹד גוּבְרִין מִשִׁבְטָא דְאָשֵׁר וּמִשִׁבְטָא דִמְנַשֶׁה וּמִשִׁבְטָא דִזְבוּלֻן אִתְכְּנָעוּ וַאֲתוֹ לִירוּשְׁלֵם: אוֹף בִּדְבֵית יְהוּדָה הֲוַת רַעְוָא מִן קֳדָם יְיָ לְמִתַּן לְהוֹן לִבָּא חָד לְמֶעְבַּד תַּפְקֵדְתָּא דְמַלְכָּא וְרַבָּנַיָא הֵי כְּפִתְגָמַיָא דַיָי: וְאִתְכְּנִישׁוּ לִירוּשְׁלֵם עַם סַגִיא לְמֶעְבַּד יַת חַגָא דְפַטִירַיָא בְּיַרְחָא תִּנְיָנָא קְהָלָא סַגִיא לַחֲדָא: וְקָמוּ וַעֲטָרוּ יַת אֲגוֹרַיָא דִי בִירוּשְׁלֵם וְיַת כָּל בָּתֵּי אַסָקוּת בּוּסְמִין לְטַעֲוָתָא עֲטָרוּ וּטְלָקוּ לְנַחֲלָא דְקִדְרוֹן: וּנְכִיסוּ יַת פִּסְחָא בְּאַרְבֵּיסַר לְיַרְחָא תִּנְיָנָא וְכַהֲנַיָא אִתְכְּנָעוּ (ס"א וְלֵיוָאֵי אִתְכְּנָעוּ) וְאִתְקַדָשׁוּ וְאַיְתִיאוּ עֲלָוָן בְּבֵית מַקְדְשָׁא דַיָי: וְקָמוּ עַל דוּכַנְהוֹן (ס"א דוּכְנֵיהוֹן) כַּד חָזֵי לְהוֹן הֵי כְּאוֹרַיְתָא דְמשֶׁה נְבִיָא דַייָ כַּהֲנַיָא זָרְקִין יַת אַדְמָא מִן יְדֵיהוֹן דְלֵיוָאֵי: אֲרוּם סוּגֵי קְהָלָא לָא (ס"א דִי לָא) אִתְקַדָשׁוּ וְלֵיוָאֵי הֲווֹ מְמַנָן עַל נִכְסַת אִמְרַיָא דְפִסְחָא לְכָל גְבַר דִילָא אִדְכֵּי לְאִתְקַדָשָׁא קֳדָם יְיָ: אֲרוּם סוּגֵי עַמָא וּמִדְבֵית אֶפְרַיִם וּמִדְבֵית מְנַשֶׁה וּמִדְבֵית יִשָשכָר וּמִדְבֵית זְבוּלֻן לָא אִדַכָּיוּ אֲרוּם אֲכָלוּ יַת פִּסְחָא קַדְמָאָה בִּדְלָא (ס"א כַּד לָא) כְתִיב וְתָבוּ לְמֶעְבַּד פִּסְחָא תִנְיָנָא כְּדִכְתִיב אֲרוּם צַלֵי חִזְקִיָהוּ אַמְטוּלְהוֹן לְמֵימַר יְיָ דְהוּא טָב יְכַפֵּר עַל עַמָא דְאִשְׁתְּלִיוּ: אֲרוּם לִבְבֵיהּ (ס"א כָּל לִבְבֵיהּ) אַתְקֵין לְמִתְבַּע דְחַלְתָּא דַייָ (ס"א דֶאֱלָהָא יְיָ) אֱלָהֵיהּ אֱלָהָא דַאֲבָהָתוֹי וְלָא יִתְבַּע חוֹבֵיהוֹן דְעַמָא דְלָא עֲבָדוּ יַת פִּסְחָא כִּדְחָזֵי לְמֵיכַל בִּדְכוּתָא בְּשַר קוּדְשָׁא: וְקַבֵּיל יְיָ צְלוֹתֵיהּ דְחִזְקִיָהוּ וְאַסֵי יַת עַמָא: וַעֲבָדוּ בְּנֵי יִשְרָאֵל דְאִשְׁתַּכְּחוּ בִּירוּשְׁלֵם יַת חַגָא דְפַטִרַיָא שַׁבְעָא יוֹמִין בְּחֶדְוָא רַבְּתָא וּמְשַׁבְּחִין קֳדָם יְיָ יוֹמָא בְּיוֹמָא לֵיוָאֵי וְכַהֲנַיָא בְּזֵינֵי תוּשְׁבַּחְתָּא קֳדָם יְיָ: וּמַלֵל יְחִזְקִיָהוּ עַל לֵב לֵיוָאֵי (ס"א כָּל לֵיוָאֵי) דְאִית בְּהוֹן שִׁכְלָא טָבָא קֳדָם יְיָ וַאֲכָלוּ יַת נִכְסֵי קוּדְשַׁיָא דְמוֹעֲדַיָא שַׁבְעָא יוֹמִין דָבְחִין דִבְחֵי נִכְסַת קוּדְשַׁיָא וּמְהוֹדָן (ס"א וּמְוַדִין) קֳדָם יְיָ אֱלָהָא דַאֲבָהָתְהוֹן: וְאִתְמְלִיכוּ כָּל קְהָלָא לְמֶעְבַּד בָּתַר פִּסְחָא שֵׁירוּתָא שַׁבְעָא יוֹמִין חוֹרָנִין וַעֲבָדוּ שֵׁירוּתָא שַׁבְעָא יוֹמִין בְּחֶדְוָא: אֲרוּם חִזְקִיָהוּ מְלִיךְ שִׁבְטָא דְבֵית יְהוּדָה אַפְרִישׁ לִקְהָלָא אַלְפָא תּוֹרִין וְשִׁבְעַת אַלְפִין עָאן וְרַבְרְבַיָא אַפְרִישׁוּ לִקְהָלָא תּוֹרִין אַלְפָא וְעָאן עֲשַרְתֵּי אַלְפִין וְאִתְקַדָשׁוּ כַּהֲנַיָא לְסוּגָעָא: וְחַדִיאוּ כָל קְהָלָא דִיהוּדָה וְכַהֲנַיָא וְלֵיוָאֵי וְכֻלְהוֹן קְהָלָא דִאֲתוֹ מִדְבֵית יִשְרָאֵל וְגִיוֹרַיָא דְאַתְיָן מֵאַרְעָא דְיִשְרָאֵל וּדְיָתְבִין בִּיהוּדָה: וַהֲוַת חֶדְוָא רַבְּתָא בִּירוּשְׁלֵם אֲרוּם מִן יוֹמֵי שְׁלמה בַּר דָוִד מַלְכָּא דְיִשְרָאֵל לָא הֲוַת כְּדָא בִּירוּשְׁלֵם: וְקָמוּ כַּהֲנַיָא וְלֵיוָאֵי וּבָרִיכוּ יַת עַמָא וְאִתְקַבָּלַת צְלוֹתְהוֹן וַעֲלַת צְלוֹתְהוֹן לִמְדוֹר בֵּית שְׁכִינַת קוּדְשֵׁיהּ לִשְׁמַיָא:

תנ"ך על הפרק

תנ"ך על הפרק

תוכן עניינים

ניווט בפרקי התנ"ך