תנ"ך על הפרק
דברי הימים ב ח
וַיְהִ֞י מִקֵּ֣ץ ׀ עֶשְׂרִ֣ים שָׁנָ֗ה אֲשֶׁ֨ר בָּנָ֧ה שְׁלֹמֹ֛ה אֶת־בֵּ֥ית יְהוָ֖ה וְאֶת־בֵּיתֽוֹ׃וְהֶעָרִ֗ים אֲשֶׁ֨ר נָתַ֤ן חוּרָם֙ לִשְׁלֹמֹ֔ה בָּנָ֥ה שְׁלֹמֹ֖ה אֹתָ֑ם וַיּ֥וֹשֶׁב שָׁ֖ם אֶת־בְּנֵ֥י יִשְׂרָאֵֽל׃וַיֵּ֤לֶךְ שְׁלֹמֹה֙ חֲמָ֣ת צוֹבָ֔ה וַיֶּחֱזַ֖ק עָלֶֽיהָ׃וַיִּ֥בֶן אֶת־תַּדְמֹ֖ר בַּמִּדְבָּ֑ר וְאֵת֙ כָּל־עָרֵ֣י הַֽמִּסְכְּנ֔וֹת אֲשֶׁ֥ר בָּנָ֖ה בַּחֲמָֽת׃וַיִּ֜בֶן אֶת־בֵּ֤ית חוֹרוֹן֙ הָֽעֶלְי֔וֹן וְאֶת־בֵּ֥ית חוֹר֖וֹן הַתַּחְתּ֑וֹן עָרֵ֣י מָצ֔וֹר חוֹמ֖וֹת דְּלָתַ֥יִם וּבְרִֽיחַ׃וְאֶֽת־בַּעֲלָ֗ת וְאֵ֨ת כָּל־עָרֵ֤י הַֽמִּסְכְּנוֹת֙ אֲשֶׁ֣ר הָי֣וּ לִשְׁלֹמֹ֔ה וְאֵת֙ כָּל־עָרֵ֣י הָרֶ֔כֶב וְאֵ֖ת עָרֵ֣י הַפָּרָשִׁ֑ים וְאֵ֣ת ׀ כָּל־חֵ֣שֶׁק שְׁלֹמֹ֗ה אֲשֶׁ֤ר חָשַׁק֙ לִבְנ֤וֹת בִּירֽוּשָׁלִַ֙ם֙ וּבַלְּבָנ֔וֹן וּבְכֹ֖ל אֶ֥רֶץ מֶמְשַׁלְתּֽוֹ׃כָּל־הָ֠עָם הַנּוֹתָ֨ר מִן־הַחִתִּ֜י וְהָאֱמֹרִ֤י וְהַפְּרִזִּי֙ וְהַחִוִּ֣י וְהַיְבוּסִ֔י אֲשֶׁ֛ר לֹ֥א מִיִּשְׂרָאֵ֖ל הֵֽמָּה׃מִן־בְּנֵיהֶ֗ם אֲשֶׁ֨ר נוֹתְר֤וּ אַחֲרֵיהֶם֙ בָּאָ֔רֶץ אֲשֶׁ֥ר לֹֽא־כִלּ֖וּם בְּנֵ֣י יִשְׂרָאֵ֑ל וַיַּעֲלֵ֤ם שְׁלֹמֹה֙ לְמַ֔ס עַ֖ד הַיּ֥וֹם הַזֶּֽה׃וּמִן־בְּנֵי֙ יִשְׂרָאֵ֔ל אֲ֠שֶׁר לֹא־נָתַ֧ן שְׁלֹמֹ֛ה לַעֲבָדִ֖ים לִמְלַאכְתּ֑וֹ כִּי־הֵ֜מָּה אַנְשֵׁ֤י מִלְחָמָה֙ וְשָׂרֵ֣י שָׁלִישָׁ֔יו וְשָׂרֵ֥י רִכְבּ֖וֹ וּפָרָשָֽׁיו׃וְאֵ֨לֶּה שָׂרֵ֤יהנציביםהַנִּצָּבִ֛יםאֲשֶׁר־לַמֶּ֥לֶךְ שְׁלֹמֹ֖ה חֲמִשִּׁ֣ים וּמָאתָ֑יִם הָרֹדִ֖ים בָּעָֽם׃וְאֶת־בַּת־פַּרְעֹ֗ה הֶעֱלָ֤ה שְׁלֹמֹה֙ מֵעִ֣יר דָּוִ֔יד לַבַּ֖יִת אֲשֶׁ֣ר בָּֽנָה־לָ֑הּ כִּ֣י אָמַ֗ר לֹא־תֵשֵׁ֨ב אִשָּׁ֥ה לִי֙ בְּבֵית֙ דָּוִ֣יד מֶֽלֶךְ־יִשְׂרָאֵ֔ל כִּי־קֹ֣דֶשׁ הֵ֔מָּה אֲשֶׁר־בָּֽאָ֥ה אֲלֵיהֶ֖ם אֲר֥וֹן יְהוָֽה׃אָ֣ז הֶעֱלָ֧ה שְׁלֹמֹ֛ה עֹל֖וֹת לַיהוָ֑ה עַ֚ל מִזְבַּ֣ח יְהוָ֔ה אֲשֶׁ֥ר בָּנָ֖ה לִפְנֵ֥י הָאוּלָֽם׃וּבִדְבַר־י֣וֹם בְּי֗וֹם לְהַעֲלוֹת֙ כְּמִצְוַ֣ת מֹשֶׁ֔ה לַשַּׁבָּתוֹת֙ וְלֶ֣חֳדָשִׁ֔ים וְלַמּ֣וֹעֲד֔וֹת שָׁל֥וֹשׁ פְּעָמִ֖ים בַּשָּׁנָ֑ה בְּחַ֧ג הַמַּצּ֛וֹת וּבְחַ֥ג הַשָּׁבֻע֖וֹת וּבְחַ֥ג הַסֻּכּֽוֹת׃וַיַּעֲמֵ֣ד כְּמִשְׁפַּ֣ט דָּֽוִיד־אָ֠בִיו אֶת־מַחְלְק֨וֹת הַכֹּהֲנִ֜ים עַל־עֲבֹדָתָ֗ם וְהַלְוִיִּ֣ם עַל־מִ֠שְׁמְרוֹתָם לְהַלֵּ֨ל וּלְשָׁרֵ֜ת נֶ֤גֶד הַכֹּֽהֲנִים֙ לִדְבַר־י֣וֹם בְּיוֹמ֔וֹ וְהַשּׁוֹעֲרִ֥ים בְּמַחְלְקוֹתָ֖ם לְשַׁ֣עַר וָשָׁ֑עַר כִּ֣י כֵ֔ן מִצְוַ֖ת דָּוִ֥יד אִישׁ־הָאֱלֹהִֽים׃וְלֹ֣א סָרוּ֩ מִצְוַ֨ת הַמֶּ֜לֶךְ עַל־הַכֹּהֲנִ֧ים וְהַלְוִיִּ֛ם לְכָל־דָּבָ֖ר וְלָאֹצָרֽוֹת׃וַתִּכֹּן֙ כָּל־מְלֶ֣אכֶת שְׁלֹמֹ֔ה עַד־הַיּ֛וֹם מוּסַ֥ד בֵּית־יְהוָ֖ה וְעַד־כְּלֹת֑וֹ שָׁלֵ֖ם בֵּ֥ית יְהוָֽה׃אָז֩ הָלַ֨ךְ שְׁלֹמֹ֜ה לְעֶצְיֽוֹן־גֶּ֧בֶר וְאֶל־אֵיל֛וֹת עַל־שְׂפַ֥ת הַיָּ֖ם בְּאֶ֥רֶץ אֱדֽוֹם׃וַיִּֽשְׁלַֽח־לוֹ֩ חוּרָ֨ם בְּיַד־עֲבָדָ֜יואוניותאֳנִיּ֗וֹתוַעֲבָדִים֮ י֣וֹדְעֵי יָם֒ וַיָּבֹ֜אוּ עִם־עַבְדֵ֤י שְׁלֹמֹה֙ אוֹפִ֔ירָה וַיִּקְח֣וּ מִשָּׁ֔ם אַרְבַּע־מֵא֥וֹת וַחֲמִשִּׁ֖ים כִּכַּ֣ר זָהָ֑ב וַיָּבִ֖יאוּ אֶל־הַמֶּ֥לֶךְ שְׁלֹמֹֽה׃
פירוש על הפרק
וַהֲוָה מִסוֹף עֶשְרִין שְׁנִין דִבְנָא שְׁלמה יַת בֵּית מַקְדְשָׁא דַייָ וְיַת בֵּיתֵיהּ:
וְקִרְוַיָא דִיהַב חִירָם לִשְׁלמה בְּנָא (ס"א בְּנָא שְׁלמה) יַתְהוֹן וְאוֹתִיב תַּמָן יַת בְּנֵי יִשְרָאֵל:
וַאֲזַל שְׁלמה לַחֲמָתָא דְצוֹבָה וְאַתְקֵיף צְיָרָא עֲלָהּ:
וּבְנָא יַת תַּדְמוֹר בְּמַדְבְּרָא וְיַת כָּל קִרְוֵי בֵּית אוֹצָרַיָא דִבְנָא שְׁלמה בַּחֲמָתָא:
וּבְנָא יַת בֵּית חוֹרוֹן עִלָאָה וְיַת בֵּית חוֹרוֹן אַרְעָאָה קִרְוִין כְּרִיכָן מַקְפָן שׁוּרָן דָשִׁין וְעִבָּרִין:
וְיַת בַּעֲלָת וְיַת כָּל קִרְוֵי בֵּית אוֹצָרַיָא דִהֲווֹ לִשְׁלמה וְיַת כָּל קִרְוֵי פָרָשַׁיָא וְיַת כָּל רְעוּת לִבֵּיהּ (ס"א לְבֵית) דִשְׁלמה דִי צָבֵא לְמֶעְבַּד וּלְמִבְנֵי בִּירוּשְׁלֵם וּבְלִבְנִי (ס"א וּבִלְבָנוֹן) וּבְכָל אֲרַע שׁוּלְטָנֵיהּ:
כָּל עַמָא דְאִשְׁתַּיַר מִן חִתָּאֵי וֶאֱמוֹרָאֵי וּפְרִזָאֵי וְחִוָאֵי וִיבוּסָאֵי דְלָא מִיִשְרָאֵל אִנוּן:
מִן בְּנֵיהוֹן דְאִשְׁתַּיָרוּ בַתְרֵיהוֹן בְּאַרְעָא דִי לָא שֵׁיצִנוּן בְּנֵי יִשְרָאֵל וִיהָבִנוּן שְׁלמה לִמַסְקֵי מִסִין עַד יוֹמָא הָדֵין:
וּמִן בְּנֵי יִשְרָאֵל דִי לָא יְהַב שְׁלמה לְמֶהֱוֵי פָלְחִין לַעֲבִידְתֵּיהּ אֲרוּם אִנוּן גֻבְרֵי מַגִיחֵי קְרָבָא וְרַבָּנֵי גִבָּרוֹי וְרַבָּנֵי אַרְתְּכוֹהִי (ס"א אַרְתְּכוֹי) וּפָרָשׁוֹהִי:
וְאִלֵין רַבָּנֵי אִסְטַרְטֵיגַיָא דִי לְמַלְכָּא שְׁלמה מָאתָן וְחַמְשִׁין דִי מְכַבְּשִׁין בְּעַמָא:
וְיַת בִּתְיָה בְּרַתֵּיהּ דְפַרְעה אַסִיק שְׁלמה מִקַרְתָּא דְדָוִד לְפַלְטֵירִין דִבְנָא לָהּ אֲרוּם אֲמַר לָא אֶפְשַׁר דְתִשְׁלַט לִי אִתְּתָא בְּבֵית דָוִד מַלְכָּא דְיִשְרָאֵל אֲרוּם קוּדְשָׁא אִנוּן וְלָא כָשָׁר דְתִתֵיב תַּמָן אִתְּתָא מִן בָּתַר דְעַל לְוַתְהוֹן אֲרוֹנָא דַיָי:
הָא בְּכֵין אַסֵיק שְׁלמה עֲלָוָן קֳדָם יְיָ עַל מַדְבְּחָא דַייָ דִבְנָא קֳדָם אוּלָמָא:
וּבְמִסַת יוֹמָא בְּיוֹמֵיהּ לְאַסָקָא קָרְבָּן תְּדִירָא הֵי כְתַפְקֶדְתָּא דְמשֶׁה לְשַׁבָּתַיָא וּמוּסְפַיָא לְרֵישֵׁי יַרְחַיָא וּלְמוֹעֲדַיָא תְּלַת זִמְנִין בְּשַׁתָּא בְּחַגָא דְפַטִירַיָא וּבְחַגָא דִמְטָלַיָא:
וַאֲקֵים הֵיכְמָה דִי פַקֵיד דָוִד אֲבוֹי יַת פְּלוּגַת כַּהֲנַיָא עַל עֲבִידְתְּהוֹן וְלֵיוָאֵי עַל מַטַרְתְּהוֹן לְשַׁבַּחָא וּלְשַׁמָשָׁא כָּל קֳבֵל כַּהֲנַיָא כְּמִסַת יוֹמָא בְּיוֹמֵיהּ וּלְתַרָעַיָא בִּפְלוּגָתְהוֹן לְכָל תַּרְעָא וְתַרְעָא אֲרוּם הֵיכְנָא (ס"א הֵיכְמָא) תַּפְקֵדְתָּא דְדָוִד נְבִיָא דַיָי:
וְלָא עָדוּ תַּפְקֶדְתָּא דְמַלְכָּא עַל כַּהֲנַיָא וְלֵיוָאֵי לְכָל פִּתְגָמַיָא וּלְאוֹצְרַיָא:
וְאִתַּקְנַת כָּל עֲבִידַת שְׁלמה מִן יוֹמָא דְאִתְיַסֵד בֵּית מַקְדְשָׁא דַייָ עַד יוֹמָא דְאִשְׁתֵּיצֵי וּשְׁלִים בֵּית מַקְדְשָׁא דַיָי:
הָא בְּכֵן הַלִיךְ שְׁלמה לִכְּרַךְ תַּרְנְגוֹלָא וּלְאֵילוֹת דְעַל כֵּיף יַמָא בְּאַרְעָא דֶאֱדוֹם:
וּשְׁדַר לֵיהּ חוּרָם בִּידָא דְעַבְדוֹי אִלְפַּיָא וְעַבְדִין חַכִּימִין בְּיַמָא וַאֲתוֹ עִם עַבְדֵי שְׁלמה לְאוֹפִיר וּנְסִיבוּ (ס"א וְדַבָּרוּ מִתַּמָן) מִתַּמָן אַרְבַּע מְאָה וְחַמְשִׁין קִנְטֵנְרִין דְדַהֲבָא וְאַיְתִיוּ לְוַת מַלְכָּא שְׁלמה:
תוכן עניינים
ניווט בפרקי התנ"ך
